Линктер

шаршемби, 23-август, 2017 Бишкек убактысы 08:34

Мээрим Жуманазарова жаштар арасында Азия чемпиону болду (видео)


Мээрим Жуманазарова жаштар арасындагы Азия чемпиондугунун финалында. 16.06.2017-ж. Тайчунг.

Кыргызстандык Мээрим Жуманазарова Кытай Тайбэйинин Тайчунг шаарында өтүп жаткан спорттук күрөш боюнча жаштар арасындагы Азия чемпиондугунда жеңип, алтын медал тагынды.

Биргелешкен күрөш дүйнөсү уюмунун расмий сайтындагы кабарга ылайык, 16-июнда (мелдештин экинчи күнүндө) грек-рим күрөшүнөн жана кыз-келиндердин эркин күрөшүнөн алты салмакта байгелер ойнотулду. Кыргызстандан үч балбан килемге чыгып, күч сынашты.

Кыз-келиндердин эркин күрөшүнөн 67 килограммга чейинки салмакта күрөшкөн Мээрим Жуманазарова төрт беттеш өткөрүп, бардык атаандаштарын артыкчылык менен жеңди. Алгач вьетнамдык Тхи Хонг Транг Фунгду 10:0 эсебинде утса, чейрек финалда кытайлык Юе Ханды 8:4, жарым финалда монголиялык Пуревцецег Ганбаатарды 13:3 эсебинде утуп финалдык таймашка чыкты. Алтын байге үчүн таймашта өзбекстандык Бахтигүл Балтаниязова менен күч сынашып 10:0 эсебинде жеңди.

Жуманазарова былтыр кадеттер арасында өткөн дүйнө чемпионатында коло медал тагынган.

67 кг. Финал. Мээрим Жуманазарова (Кыргызстан) - Бахтигүл Балтаниязова (Өзбекстан) 10:0.

Күрөштүн ушул эле түрүнөн 59 килограммга чейинки салмакта күрөшкөн Айбийке Артыкалы кызы коло байге үчүн таймашта индиялык Кумари Манжи менен таймашта утулуп 5-орунду алды.

Грек-рим күрөшү боюнча 120 килограммга чейинки салмакта күрөшкөн кыргызстандык Роман Ким коло байге алды.

Ал алгач жапониялык Кейта Банчини 8:0 эсебинде утуп, чейрек финалда ирандык Амирмохаммад Хосейн Хажипоурганиге 7:0 эсебинде жеңилген. Иран балбаны финалга чыккандыгына байланыштуу Роман Кимге жооткотуучу беттешке чыгууга мүмкүнчүлүк пайда болуп, бул таймашта Кытай Тайбэйинин өкүлү Йу Хаону 9:0 эсебинде жеңип алган. 3-орун үчүн таймашта түштүк кореялык Кисюнг Кимди 6:4 эсебинде утуп коло медал тагынды.

120 кг. Финал. Роман Ким (Кыргызстан) - Кисюнг Ким (Түштүк Корея) 6:4.

Экинчи мелдеш күнүнүн жыйынтыгында спорттук күрөш боюнча жаштар арасындагы Азия чемпионатында Кыргызстандын эсебине 6 медал чогулду. Мелдештин биринчи күнүндө Кыргызстандын грек-рим күрөшчүлөрү бир алтын, эки күмүш жана бир коло медалды тагынышкан. Мелдеш 18-июнга чейин уланат. Алдыда кыздар жана эркектер арасында эркин күрөш боюнча таймаштар бар. (ECh).

Сиздин пикир

пикирлерди көрсөт

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG