Өзгөчө кырдаалдар министрлигинин маалыматы боюнча, 17-июнга караган түнү, саат болжол менен 01:15 чамасында Киев көчөсүндө жайгашкан 11 кабаттуу турак үйдүн 7-кабатындагы батир толугу менен күйүп кеткен. Өрт 100 чарчы метрди каптап, батирдеги эки эшик, эки терезе, диван, телефон, телевизор, “Аристон” суу ысыткычы күйгөн.
Ыкчам аракеттердин натыйжасында өрт башка батирлерге жайылбай, бир жарым сааттан ашуун убакытта толук өчүрүлгөн. Жабыркагандар жок, өрттүн себеби такталып жатат. (ZKo)
