Бул тууралуу Кыргызстан мусулмандар дин башкармалыгы маалымдады. Муфтияттын басма сөз катчысы Максатбек Атабаевдин "Азаттык" радиосуна билдиришинче, бир күн айырма болуп калышы ыктымал:
- 26-июнь Орозо айт күнү деп белгиленди. Ислам шариятында Орозо айт күнү жаңы чыккан Айга карап аныкталат. Эгер бүркөө болуп, ай көрүнбөсө, отуз күн толук орозо кармалат. Ошондуктан, айдын чыгышы боюнча бир күн айырма болуп, Орозо айт 25-июнь күнү да болуп калышы ыктымал.
Быйыл Орозо айы 27-майдан тарта башталган.
Кыргызстандын Эмгек кодексине ылайык, Орозо жана Курман айт эс алуу күндөрү.(ZKo)
