Ата Мекендик, Ооган жана башка союздун аскерлери катышкан бардык согуштарда курман болгон жоокерлерди эскерүү митинг-реквиеми 21-июнда Бишкектеги Жеңиш аянтында өттү. Эскерүүнү эл аралык ардагерлер ассоциациясы уюштурду. Аталган уюмдун жетекчиси Юрий Погибанын айтуусунда, эскерүү иш-чарасы Евразия өлкөлөрүнүн терроризмге каршы форумунун алкагында өттү.
Форумдун катышуучулары Чүйдүн Жаңы-Жер айылында Бесланда балдарды сактоо учурунда курман болгон кыргызстандык жоокер Андрей Велькону эскеришет. Өткөн жылы анын Жаңы-Жердеги үйүндө мемориалдык тактай орнотулган.(ZKo)
