Бул тууралуу Саламаттыкты сактоо министрлигинин маалымат кызматы билдирди. Жабырлануучунун денесинин 100% күйүп калган эле.
Жарылууда жабыркаган дагы үч киши Чолпон-Атадагы аймактык оорукананын реанимация бөлүмүндө, алардын абалы туруктуу оор деп бааланууда. Ал эми хирургия бөлүмүндө дагы үч киши бар, алардын абалын да дарыгерлер туруктуу оор деп айтышты.
23-июнь күнү аталган ооруканага Бишкектен атайын адис барып, консилиум өткөрөт. Жараат алгандарды Бишкекке которуу маселеси алардын жолдо жүрө албаганына байланыштуу кийинкиге жылдырылган.(ZKo)