Бельгиянын баш калаасы Брюсселде бул аптада ишке ашпай калган бомба чабуулу боюнча төрт адам кармалды.
Федералдык прокуратура 22-июнда билдиргендей, Брюсселдин кеминде үч конушунда рейддер өткөрүлдү. Бирок полиция кармалгандар тууралуу толук маалымат берген жок.
20-июнда Брюсселдин борбордук станциясында бир киши жардыруу уюштурууга аракет кылган, бирок анын жардыргыч заты иштебей калган. Полиция атып өлтүргөн бул адам 36 жаштагы марокколук жаран деп айтылды.
2016-жылы март айында Брюсселдин аэропортундагы жана метро станциясындагы чабуулдар 32 адамдын өмүрүн алган.
