Жалал-Абаддын Сузак районунун Октябрь айылындагы карылар үйүндө жашаган 70 жаштагы Керимбай Сотонов 22-июндан бери дайынсыз. Бул тууралуу мекеменин директору Майрам Узакбаева "Азаттык" радиосуна билдирди.
Аксакал Аксы районунун тургуну. Кароосуз калгандыктан, быйыл февралда социалдык кызматкерлер аны карылар үйүнө алып келишкен. 22-июнь күнү сыртка сейилдегени чыккан бойдон келген эмес. Милицияга кабар берилген. Айрым күбөлөр аны Базар-Коргондо көргөнүн билдиришкен.
Аталган карылар үйүндө 100гө чукул улгайган кишилер жашайт. (RsK)