Линктер

ЧУКУЛ КАБАР!
21-Июнь, 2021 дүйшөмбү, Бишкек убактысы 04:15

Атамбаев майрамдык куттуктоодо ынтымакты коргоого чакырды


Президент Алмазбек Атамбаев кыргызстандыктарды Орозо айт майрамы менен куттуктады. Мамлекет башчынын басма сөз кызматы тараткан маалыматта президент миңдеген мекендештер жай аптабында кудайдын чоң сыноосунан өткөнүн белгилеген.

- Көп улуттуу кыргыз эли өз тарыхында көп сандаган маданияттар менен диний ишенимдерди, дүйнө таанымдарды баштан өткөргөн. Бардык маданияттарга, ишенимдерге сабырдуу мамиле жасап келген. Ошону менен катар өзүнүн эркин мүнөзүн, терең тарыхы менен маданиятын муундан муунга сактап жана мусулманчылыктын жакшы жөрөлгөлөрү менен шайкеш келтире алган. Ислам – тынчтыктын, ынтымактын жана жаратмандыктын дини. Демек, ар бир мусулман баласы сабырдуулуктун, адептүүлүктүн жана маданияттын өрнөгүн көрсөтүшү керек! Көп улуттуу кыргыз элинин биримдигин, ынтымагын коргошу керек" ,- деп жазылган куттуктоодо.

Кыргызстанда Орозо айт 25-июнда белгиленет. (SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG