Бишкекте Нур терапия борборун ачуу боюнча социалдык-инвестициялык долбоор иштей баштады. Ал онкологиялык илдетке чалдыккан бейтаптарга жогорку технологиялык аппараттар менен анча кымбат эмес акы төлөп нур терапиясын алуу мүмкүнчүлүгүн берет.
Долбоордун болжолдуу баасы 10,5 млн доллар, анын 2 млн долларын жергиликтүү каржы мекемелери жана бизнесмендерден чогултуу пландалууда.
Ал эми калганын ири эл аралык каржы институттары бөлүп берет.
Онкология боюнча улуттук борбордун маалыматына караганда, 2014-жылы 148 бала рак илдетине чалдыкканы аныкталса, 2015-жылы бул көрсөткүч 190го жеткен.
Учурда 25 миңден ашуун адам түрдүү онкологиялык оорулар менен доктурлардын каттоосунда турат. (RK)
