Киевдеги автоунаанын жарылуусунан өлгөн адам Украина Коргоо министрлигинин башкы чалгын башкармалыгынын кызматкери, полковник Максим Шаповал. Бул тууралуу аталган министрлик расмий сайтына жазды.
Ошондой эле окуя террордук акт катары каралып, бардык жагдайлар териштириле баштаганын белгилейт.
Жарылуудан 1990-жылкы аял киши жабыркап, бутуна чачырандылар кирип кеткенин Киев полициясы билдирди.
Баш калаанын Соломенск районунда «Мерседес» унаасы жарылганы тууралуу кабар полицияга таңкы 08:16да түшкөн.
