АКШ президенти Дональд Трамптын Твиттерде жарыялаган видеосу кызуу талкууланууда. Ал 2-июлда өз баракчасына жайгаштырган видео мындан бир нече жыл мурун тартылган. Тасмадан ошол кездеги бизнесмен Трамптын рестлинг мелдешинде рингден кулап түшкөн балбанды сабап жатканын көрүүгө болот. Спортчунун бети CNN деген электрондук беткап менен жабылган.
CNN муну кабарчыларга карата зомбулукту колдогон ишара катары сыпаттады.
Дональд Трамптын АКШ президенти кызматына киришкенине алты ай болду. Коомдук пикирди сурамжылоолор америкалыктар арасында анын кадыр-баркы төмөн экенин көрсөтүп келет.
