Бишкекте өзгөчө балдарга инклюзивдик билим берүү боюнча эл аралык жыйын өтүп жатат. Борбор Азиядагы Америка университетинде Молдова, Литва, АКШ жана Кыргызстандын адистери Армения, Украина, Казакстан, Тажикстан жана Кыргызстандын Ош, Ысык-Көл, Чүй облустарынан келген педагогдорго атайын окууларды уюштуруп жатышат.
“Сорос Кыргызстан” фонду демилгелеген бул жыйын 7-июлда аяктайт.
Кыргызстанда мүмкүнчүлүгү чектелген балдарды кадыресе мектеп окуучуларына кошуп окутуучу инклюзивдик программалар жаңыдан жандана баштады. Бул багытта кесипкөй адистер өлкөдө жетишпей келет. (BCh)