Ысык-Көлдө 7 жаштагы бала сууга чөгүп каза тапты. Бул тууралуу бүгүн Өзгөчө кырдаалдар министрлигинен кабарлашты.
Бейшемби күнү түштөн кийин Ысык-Көл районундагы Кара-Ой айылында жайгашкан “Күнөстүү жээк" пансионатында 2010-жылы туулган бала чөгүп кеткени тууралуу маалымат түшкөн.
Баланын атасы уулун өзү суудан алып чыгып, Чолпон-Атанын ооруканасына жеткирген, бирок ал реанимациядан каза болгон.