13-июлда Орусиянын Санкт-Петербург шаарынын Колпино районундагы өрттө өлгөн жети кишинин баары өзбекстандыктар экени ырасталды.
Өзбекстандын Тышкы иштер министрлиги тараткан маалыматка караганда, өрттөн Хорезм облусунан барган 19-50 жаштардагы эркек кишилер каза тапкан.
Өрт райондогу өндүрүш ангарынан чыккан. Жергиликтүү бийлик эмгек мигранттары анын аймагында жашап, иштешерин билдирет.
Учурда кырсыктын кесепеттери териштирилип, өлгөндөрдүн тек-жайы такталып жатат.
