Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 14:30

Азимбек Бекназаров президенттик шайлоого ат салышат


Азимбек Бекназаров.

Туруктуу элдик кеңештин төрагасы Азимбек Бекназаров Кыргызстандагы президенттик шайлоодо талапкер катары ат салышат. Анын талапкерлигин көрсөтүү сунушу бүгүн Бишкекте өтүп жаткан Улуттук мекенчил күчтөр биримдигинин кезексиз курултайында көтөрүлдү.

Кожомкул атындагы Спорт сарайындагы бул жыйын биримдиктин атынан президенттикке талапкер көрсөтүү максатында уюштурулган. Бекназаров президенттикке өзүн-өзү көрсөтүү жолу менен бармакчы.

Мурдагы Убактылуу өкмөттүн мүчөсү, мурдагы Баш прокурор жана мурдагы депутат Азимбек Бекназаров 2005-жылы да, 2010-жылы да анын улуттук баалуулуктарды көтөрүү багытындагы демилгесин саясий өнөктөштөрү кабыл алып, бирок "кийинчерээк ишке ашыруудан четтеп кетишкен" деп белгиледи. Буга байланыштуу ал башка этностор менен биргеликте кыргыздардын улуттук кайра жаралуусун көздөгөн саясий тутумду иштеп чыгып, аны аткаруу үчүн президенттик шайлоого катышууга бел байлаганын айтты.

Курултайга мурдагы депутаттар Исмаил Исаков, Абдыганы Эркебаев, Ишенбай Кадырбеков, Бөдөш Мамырова, Равшан Жээнбеков өңдүү саясатчылар конок катары катышууда.

Президенттик жарышка талапкер катары катышууга буга чейин БШКга 29 кишиден арыз түшкөн. Кыргызстандагы президенттик шайлоо быйыл 15-октябрда өтөт. (KJ\SE)

Пикирлерди көрүңүз (23)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG