Санкт-Петербургда кыргызстандык 48 жаштагы жаран сууга чөгүп каза болду. Тышкы иштер министрлигинин басма сөз кызматы билдиргендей, ал 15-июлда кырсыкка кабылган.
Маркумдун тек-жайы аныкталды. Учурда ал өлүкканада сакталууда. Туугандарына маалымдалып, сөөктү мекенине жөнөтүү иштери уюштурулуп жатат. Анын кандайча сууга чөккөнү иликтенүүдө. Денесинде зомбулук белгилери байкалган эмес.