Линктер

ЧУКУЛ КАБАР!
23-Октябрь, 2021 ишемби, Бишкек убактысы 07:17

Шайлоо-2017: тилден сынак тапшыруу келерки апта башталат


Президенттикке ат салышуу үчүн Борбордук шайлоо комиссиясына арыз бергендер келерки аптадан тарта кыргыз тилден сынагын тапшыра баштайт. Бул жолу сынак “Кыргызтест” системасы аркылуу өтөт.

Борбордук шайлоо комиссиясынын төрайымынын орун басары Абдыжапар Бекматовдун айтымында, 25-июлда талапкерлерге “Кыргызтест” программасы менен тааныштыруу жүрөт. Ал эми 26-июлдан баштап кыргыз тилде тест тапшыруу башталат. Түзүлө турчу графикке жараша, күнүнө төрт талапкер тест тапшыруусу күтүлүп жатат.

Сынак тапшыруу Жусуп Баласагын атындагы Кыргыз улуттук университетинде өтүп, аны Мамлекеттик тил боюнча комиссия уюштурат.

19-июлга карата БШКга талапкер болуу ниетин билдирип, арыз тапшыргандардын саны 32ге жетти. Кыргызстанда шайлоо 15-октябрда өтөт.

Кыргызстандыктардын мамлекеттик тилди билүү деңгээлин аныктоо боюнча “Кыргызтест” системасы 2013-жылы ишке кирген. "Кыргызтест" лексика-грамматика, угуп түшүнүү, окуп түшүнүү, жазуу субтесттеринен турат. Бул система президенттик шайлоодо алгачкы ирет колдонулуп жатат. (КЕ/SDz)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG