Линктер

шаршемби, 22-ноябрь, 2017 Бишкек убактысы 17:39

Тажикстанда кырсыктарды сүрөткө жана видеого тартууга тыюу салынат


Тажикстандагы өрт кырсыктарынын бири.

Тажикстан ИИМ башчысы Рамазон Рахимзода өрт, авария сыяктуу кырсыктарды тасмага тарткандарды жазалоону сунуштады. Ал жакында эле Дүйшөмбүдөгү «Корвон» базарындагы ири өрт маалында көптөгөн адамдар окуяны видеого тартып, өрт өчүрүүчүлөргө тоскоолдук кылып жүрүшкөнүн айтты.

Рахимзода окуяларды сүрөткө жана тасмага тартуу менен табият кырсыктарын жана чукул кырдаалдарды жоюу иштерине тоскоолдук жараткан адамдарды жоопкерчиликке тартуу үчүн мыйзамга тиешелүү өзгөртүүлөрдү киргизүү чечими кабыл алынганын кошумчалады.

Министрдин айтымында, өрттөн улам базардагы 160 соода жайы күлгө айланган. Кырсыктан кийин райондун, Куляб жана Хатлон облустарынын өрткө каршы кызматтарынын башчылары жумуштан алынган.

Сиздин пикир

пикирлерди көрсөт

XS
SM
MD
LG