Линктер

шаршемби, 22-ноябрь, 2017 Бишкек убактысы 10:16

Футзал: Оштун EREM клубу Австралиянын чемпионун утту (видео)


Сүрөттө оюндагы голдун автору Адилет Култаев. 24-июль, 2017-ж. Хошимин. Вьетнам.

Оштун EREM футзал клубу клубдар арасындагы Азия чемпионатынын тайпалык тандоо этабынын акыркы оюнунда Австралиянын чемпиону "Вик-Вайперс" клубун 0:1 эсебинде жеңип алды. Оюн бүгүн, 24-июлда Вьетнамдын Хошимин шаарында өттү.

Оюндагы жалгыз голду биринчи таймдын аяктарына саналуу секундалар калганда Адилет Култаев киргизди.

Азия чемпионатынын тайпалык тандоо оюндарында «EREM» клубу А тобунда Вьетнамдын «Тай Сон Нам», Бириккен Араб Эмирлигинин «Аль-Дафра» жана Австралиянын «Вик-Вайперс» клубу менен ойноду. Алгачкы беттешинде вьетнамдык клубду 4:5 эсебинде уткан. Экинчи турда «Аль-Дафра» клубуна 4:0 эсебинде жеңилген.

Австралиянын чемпионун утуп алгандан кийин «EREM» клубу алты упай менен турнирдик таблицада үчүнчү орунду ээледи.

Бүгүн «Вик-Вайперс» менен «EREM» клубунун оюнунан кийин, үчүнчү турдагы акыркы оюнда «Тай Сон Нам» жана «Аль-Дафра» клубдары беттешип, 2:0 эсебинде вьетнамдыктар жеңишке жетишти.

Тайпалык тандоо оюндарынын жалпы жыйынтыгында алтыдан упай эсебине жазышкан «Тай Сон Нам» жана «Аль-Дафра» клубдары голдордун эсеби боюнча чейрек финалга жолдомо алышты.

Футзал боюнча клубдар арасындагы Азия чемпонаты 30-июлга чейин уланат. (ECh)

Сиздин пикир

пикирлерди көрсөт

XS
SM
MD
LG