Линктер

жума, 24-ноябрь, 2017 Бишкек убактысы 02:40

Өзбекстан Түркиядан чопкутталган автоунааларды сатып алууну көздөп жатканын Өзбекстандын Коргоо министрлигинин маалымат кызматына таянып, Podrobno.uz сайты жазды.

Тиешелүү келишим 26-июлда түрк коргоо министри Нуреттин Жаникли баштаган делегация Ташкентке келгенде кенен талкууланган.

"Өзбекстан Nurol компаниясынын EJDER 4х4 жеңил чопкутталган унаасын алууну көздөөдө. Өзбек тарап аны быйыл июлда Өзбекстандын шартында сынаган жана натыйжага канааттанган. Учурда аталган аскер техникасынан онду сатып алуу жагы каралууда" дейт өзбек Коргоо министрлигинин өкүлү.

Ал ошондой эле Өзбекстан Түркия менен аскердик-техникалык кызматташтыкты дагы тереңдетүүгө даяр экенин кошумчалады. Бул үчүн аталган машинелерди бирге өндүрүү же түркиялыктардын инвестициясына Өзбекстан аймагында биргелешкен ишкана түзүү да сүйлөшүлүп жатканы белгиленет.

Мурда Өзбекстанга АКШ кайтарымсыз негизде 300 ашуун чопкутталган унааларды берген.

Сиздин пикир

пикирлерди көрсөт

XS
SM
MD
LG