Линктер

ЧУКУЛ КАБАР!
22-Октябрь, 2021 жума, Бишкек убактысы 13:08

Бийликти басып алууга аракеттенди дегендерге сотто акыркы сөз берилди


Камактагыларды колдоо акциясы

Бийликти күч менен басып алууга аракет жасаган деген айып менен камакка алынган жарандар тобуна бүгүн сотто акыркы сөз берилди. Бул тууралуу "Азаттыкка" алардын тарапкерлери билдиришти.

Бишкектин Биринчи май райондук сотунда башынан жабык өтүп келаткан соттук жараяндын бүгүнкү олтуруму түштөн кийин уланат.

Мамлекеттик айыптоо соттолуучулар Бекболот Талгарбеков менен Төрөбай Колубаевге 18 жыл, Александр Гусев, Тойгонбек Калматов, Марат Султановго 16 жыл жаза мөөнөтүн сурап жатат. Алар баары былтыртан бери УКМКнын тергөө абагында кармалууда.

Ушундай эле кине менен буга чейин Кыргызстанда төрт оппозиционер соттолгон. Биринчи Май райондук соту 17-апрелдеги өкүмү менен Эрнест Карыбековду 20 жылга, Кубанычбек Кадыров менен Бектур Асановду 12 жылга эркинен ажыраткан, Дастан Сарыгуловду төрт жылга шарттуу кескен.

Соттолуучулар өздөрү жана айрым жарандык активисттер алар саясий негизде камакка алынганын, далили жок соттолгонун белгилеп келишет. (ZKo/RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG