Линктер

ЧУКУЛ КАБАР!
24-Октябрь, 2021 жекшемби, Бишкек убактысы 22:55

Илимдер академиясында үч миллион сомдук каржылык мыйзам бузуу аныкталды


Илимдер академиясынын башкы имараты

Улуттук илимдер академиясында дээрлик үч миллион сомдук каржылык мыйзам бузуу аныкталды. Бул тууралуу бүгүн Эсеп палатасынан кабарлашты.

Бул сумма, Эсеп палатасынын маалымат катчысы Роза Алмакунованын айтымында, мекемедеги бюджеттик, атайын жана башка каражаттардын 2015-2016-жылдары сарпталышы боюнча жүргүзүлгөн аудиттин жыйынтыгында белгилүү болду.

Арасында акча каражаттарынын, товардык-материалдык баалуулуктардын жетишпей калышына, айлык жана башка акчанын туура эмес төлөнүшүнө байланыштуу себептер бар.

Академиянын жетекчилигине бул мыйзам бузууларды жоюу боюнча чара көрүү талабы коюлду. Мекеме мамлекеттен каржыланант, курамында беш илимий институт бар. Быйыл июнь айында айрым кызматкерлер 2013-жылы мыйзамсыз документтер аркылуу акча “жасаган” деп айыпталып, кылмыш иш козголгонун Башкы прокуратура кабарлаган. (RK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG