Өзбек өкмөтү Ысык-Көл облусунда жол кырсыгында жабыркаган жарандарын алып кетүү үчүн атайын учак жөнөттү. Ташкенттин расмий маалыматына ылайык, президент Шавкат Мирзиёев Өзгөчө кырдаалдар министрлигинин учагын тез арада Кыргызстанга дарыгерлер менен кошо жөнөтүүгө тапшырма берген.
3-августта Ысык-Көлдүн Кызыл Өрүк айылынын аймагында кичи автобус менен жеңил унаа кагылышып, тогуз адам жараат алган. Алардын алтоо Өзбекстандын жарандары болчу.
