Линктер

ЧУКУЛ КАБАР!
24-Октябрь, 2021 жекшемби, Бишкек убактысы 07:21

Миллиардер Роман Абрамович аялы менен ажырашты


Роман Абрамович

Жалпыга маалымдоо каражаттары орусиялык миллиардер Роман Абрамович аялы Дарья Жукова менен ажырашканын жазып чыгышты. РБК каналы жана "Нью-Йорк Постун" "Пейдж Сикс" басылмасы жубайлардын бирдиктүү билдирүүсүн жарыялашты.

"Он жыл бирге өмүр сүргөндөн кийин экөөбүз ажырашалы деген оор чечим кабыл алдык. Бирок биз жакын дос, ата-эне жана чогуу ишке ашырган долбоорлор боюнча өнөктөш бойдон кала беребиз",-деп айтылат медиа каражаттары жарыялаган билдирүүдө.

Жукова Англиядагы "Челси" клубуна ээлик кылган Абрамовичтин үчүнчү аялы болчу. "Форбстун" миллиардерлер тизмесинде Абрамович 9,1 миллиард долларлык байлыгы менен 139-орунда турат.

50 жаштагы Абрамович менен 36 жаштагы Жукованын жети жаштагы Аарон аттуу уулу жана төрт жаштагы Лея аттуу кызы бар.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG