Таэквондочулар намыска жарады

“Манас” эл аралык аэропортунда Таэквондо ITF боюнча өткөн Азия чемпиондугунан байгелүү кайткан спортчуларды жакындары тосуп алышты. Түштүк Кореянын Инчхон шаарында Таэквондо ITF боюнча өткөн Азия чемпиондугунда кыргыз спортчулары 10 алтын, төрт күмүш жана сегиз коло байге алышты. Кыргызстандын намысын коргоого 16 спортчу барган. 2019-жылы Азия чемпиондугу Кыргызстанда өткөрүлмөкчү.