Кыргызстандын өкмөт башчысы Сооронбай Жээнбеков Түркиянын премьер-министри Бинали Йылдырым менен жолукту. Жолугушуу Анкарадагы Чанкая резиденциясында өтүп, эки тараптуу кызматташуу талкууланды.
Жээнбеков Түрияга эки күндүк иш сапар менен барган. Ал Стамбулда жаңы тургузулган Манастын эстелигинин ачылышына катышат жана диаспора өкүлдөрү менен жолугат.
Делегация курамында тышкы иштер министри Эрлан Абдылдаев, Түркиядагы атайын жана толук ыйгарым укуктуу элчи Ибрагим Жунусов, маданият, маалымат жана туризм министри Түгөлбай Казаков жана билим берүү жана илим министри Гүлмира Кудайбердиева бар.(UEz)
