Линктер

дүйшөмбү, 20-ноябрь, 2017 Бишкек убактысы 04:07

Борбордук шайлоо комиссиясы "Мекенчил" партиясынын лидери Садыр Жапаровду президенттикке талапкер кылып каттоодон баш тартты. Мындай чечим Боршайкомдун бүгүнкү жыйынында кабыл алынды.

Ага макул деп БШКнын 12 мүчөсүнүн 9у добуш берди, 3 каршы чыкты.

2013-жылы Жапаров бийликти басып алууга аракет жасаган деп 1,5 жылга кесилген. Абактан чыккандан кийин өлкөдөн чыгып кеткен. БШК анын бул соттуулугу жоюлганы тууралуу аныктама жок деген негизди карманды.

​Бишкектин Биринчи Май райондук сотунда 2013-жылы Ысык-Көлдө Кумтөргө байланыштуу нааразылык акциясындагы башаламандыкты уюштурду деп күнөөлөнүп жаткан Жапаровдун өкүмү 2-августта угузулган.

Ал Кылмыш кодексинин 113 (адам өлтүрүүгө аракеттенүү), 341 (бийлик өкүлүнө каршылык көрсөтүү), 234 (бейбаштык) беренелери боюнча акталды, бирок 227 (бийлик өкүлүн барымтага алуу) беренеси боюнча 11 жыл 6 айга күчөтүлгөн тартиптеги абакка кесилди.

Жогорку Кеңешке мурдагы чакырылышта депутат болгон Жапаров быйыл 25-мартта кыргыз-казак чек арасынан кармалып, камакка алынган. Ал өзүнө коюлган айыпты негизсиз деп атап келе жатат. (ErN/RK)

Сиздин пикир

пикирлерди көрсөт

XS
SM
MD
LG