Алматы шаарына жакын жерде окуп-машыгууда колдонулган учак кулап, устат учкуч менен курсант каза болду. Бул тууралуу Казакстандын жарандык авиация комитети кабарлады.
Маалыматка караганда, Жарандык авиация академиясынын эки кишилик Tecnam 2002 учагы 10-августтун таңында Азем аэродромунан эки чакырым алыс жерде кулаган. Ал окуп-машыгуу максатында учуп чыккан болчу.
Кырсыктын себептери иликтене башталды.