Бул тууралуу АКШ бийликтери кабарлоодо. Ички иштер министринин 27-августтагы маалыматына караганда, Техас штатынын түштүк-чыгыш жээги кабылган Харвей ураганынан улам АКШнын Перси булуңундагы мунай өндүрүшүнүн 22%, ал эми табигый газ өндүрүштүн 26% үзгүлтүккө учурады.
Мындан улам АКШда бензиндин баасы 6% ашуун кымбаттай түшкөн. Бул акыркы эки жылдан ашык мезгил ичиндеги эң ири кымбаттоо.
Харвей ураганынын кубаттуулугу төртүнчү даражага чейин чыгарылган эле. Катуу шамал коштогон нөшөрдөн улам Техастын түштүк-чыгышында айрым аймактарда суу ташкыны да болду.
Урагандан эки кишинин өмүрү кыйылганы аныкталды. (UE)
