Линктер

шаршемби, 22-ноябрь, 2017 Бишкек убактысы 12:11

Атамбаев: кыргыз-өзбек чек арасынын 84 пайызы боюнча келишим түзүлдү


Президенттин Өзгөн районунда жер көчкүдөн жабыркагандар менен жолугушуусу. 28-август, 2017-жыл.

Бул тууралуу президент Алмазбек Атамбаев 28-августта Ош облусунун Өзгөн районунун жашоочулары менен жолугушуу учурунда билдирди:

- Кыргызстанда 26 жылдан бери чек ара маселеси чоң көйгөй болчу. Эмки жумада Өзбекстандын президенти келем деп жатат. Ал киши менен абдан мамилебиз жакшы. Эки жума мурда эки өлкөнүн премьер-министрлери чогуу отуруп, чек аранын 84 пайызы боюнча келишим түздү. Өзбекстандын премьер-министринин 26 жылдан бери Кыргызстанга биринчи келиши болду.

Өзбекстандын президенти Шавкат Мирзиёевдин Кыргызстанга күтүлүп жаткан сапары кайсы күнү болору жарыялана элек.

16-августта Бишкекте Кыргызстан менен Өзбекстандын өкмөттөр аралык кеңешинин жыйыны өткөн, өзбек делегациясын премьер-министри Абдулла Арипов жетектеп келген. Анда мамлекеттик чек араларды делимитациялоо жана демаркациялоо боюнча эки тараптуу кызматташтык маселелери талкууланган. Кыргыз-өзбек чек арасынын жалпы узундугу 1378 чакырымды түзөт, анын 320 чакырымы тактала элек. (NT)

Сиздин пикир

пикирлерди көрсөт

XS
SM
MD
LG