Линктер

ЧУКУЛ КАБАР!
19-Октябрь, 2021 шейшемби, Бишкек убактысы 22:03

"Мемориал" камактагы татар активистин саясий туткун деп тааныды


Татарлардын активисти Данис Сафаргали.

Орусиялык "Мемориал" укук коргоо борбору камактагы татар активисти Данис Сафаргалини саясий туткун деп тааныды.

29-августта уюм тараткан билдирүүдө Сафаргали "2014-жылы башталган татарлардын улуттук кыймылынын активисттерин куугунтуктоо кампаниясынын курмандыгына айланганы" жазылган.

Татарлардын "Алтын Ордо" патриоттук кыймылынын лидери Сафаргали 2016-жылдын октябрь айында интернет аркылуу жек көрүүчүлүктү козуткан деп айыпталып камакка алынган.

Кийин ага "бейбаштык" беренеси боюнча да айып тагылган. Ал бул айыптардын бардыгын четке кагып келет.

Сафаргали интернетте жазган билдирүүлөрүндө Орусиянын өкмөтүн, президент Владимир Путинди жана Крымдын аннексиялашын сындап келген.

"Мемориал" Сафаргалини токтоосуз бошотууга, "жек көрүүчүлүктү козуткан" деген айыпты алып салууга чакырды.

Бул иш боюнча соттун өкүмү 31-августта чыгарылары күтүлүүдө. 24-августта прокурорлор Сафаргалини беш жылга эркинен ажыратууну суранышты.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG