Линктер

жума, 22-сентябрь, 2017 Бишкек убактысы 05:08

Өзбекстандын президенти Шавкат Мирзиёев «Валюта саясатын либералдаштыруу боюнча алгачкы чаралар жөнүндөгү» жарлыкка кол койду.

Ага ылайык, 5-сентябрдан тарта өлкө жарандары акча алмаштыруу жайларында чет өлкөлүк валюталарды сатуу жана аларды башка өлкөлөрдө пайдалануу үчүн атайын конверсиялык карталарды алуу укугуна ээ болушат.

Ошондой эле мындан ары Өзбекстанда жарандар коммерциялык банктарда, акча алмаштыруу жайларында чет өлкөлүк валюталарды тоскоолдуксуз сатууга жана сатып алууга укуктуу.

Жарлыкта улуттук валютанын курсун белгилөөдө базар механизмдери гана пайдаланыла тургандыгы белгиленген.

Бул жарлыкка кол коюлганга чейин Өзбекстан бир эле маалда үч валюта курсу (расмий, биржалык жана чыныгы) бар дүйнөдөгү аз эмес өлкөлөрдүн катарында болуп келген.

Валюта саясатын либералдаштыруу — өткөн жылы өлкөнүн мурдагы президенти Ислам Каримов каза болгондон кийинки Өзбекстанда күтүлгөн өзгөрүүлөрдүн бири.

Сиздин пикир

пикирлерди көрсөт

XS
SM
MD
LG