Орусияда кыргызстандык жаран үч кичине баланы оор жүк ташуучу унаа менен коюп кетти деп шектелүүдө. Кыргызстандын Орусиядагы элчилигинен кабарлашкандай, окуя 3-сентябрда Астрахан шаарында болгон.
Жол кырсыгына байланыштуу кылмыш иш козголду. Айыпталуучу – 19 жаштагы кыргыз жараны.
Элчилик ага укуктук жардам берүү аракетин көрүп жатат.
Орусиялык маалымат каражаттары оор жүк ташыган автоунаа светофордун кызыл белгисине карабай өтүп кетип, үч баланы сүзгөнүн, алардын бири – беш жашар кыз ошол жерден каза болгонун, экөө ооруканада экенин жазып жатышат. (RK)