Өзбекстандын президенти Шавкат Мирзиёевдин Кыргызстанга мамлекеттик сапары аяктады.
Эл аралык «Манас» аэропортунда өткөн узатуу аземине эки өлкөнүн расмий делегацияларынын мүчөлөрү катышышты.
Эки күндүк сапардын алкагында өлкө жетекчилери өз ара кызыкчылык туудурган көптөгөн маселелерди талкуулашты. Бир катар документтерге, анын ичинде кыргыз-өзбек мамлекеттик чек арасы жөнүндө келишимге кол коюлду. (RK)
