Өзгөчө кырдаалдар министрлиги, “Жаш дарыгерлер” биримдиги жана “KG дарыгерлер” тобу бүгүн Бишкектеги куткаруу кызматынын имаратында Дүйнөлүк алгачкы жардам көргөзүү күнүн белгилешти.
Иш-чарада сууга чөккөн, жол кырсыгына кабылган, жаракат алган, кансыраган жана башка түрдүү кырсыктан жабыркаган адамдарга жардам көрсөтүү боюнча мастер класстар өтүп, интерактивдүү сценарийлер көрсөтүлдү.
“Жаш дарыгерлер” биримдигинин өкүлү Элзар Токтоназаровдун айтымында, бул саамалык адамдарга өзгөчө абалда бири бирине жардам көрсөтүүгө үйрөтүүгө багытталган. (BCh)
