Линктер

ЧУКУЛ КАБАР!
19-Октябрь, 2021 шейшемби, Бишкек убактысы 09:44

Жогорку Сотко ок алып кирүүгө аракеттенген аял кармалды


Бүгүн Бишкектин Биринчи Май райондук соту Жогорку Сотко кирип бараткан учурда кармалган орусиялык жарандын баш коргоо чарасын карайт. Бул тууралуу “Азаттык” радиосуна шаардык милициянын басма сөз катчысы Адыл Оморов билдирди.

Анын айтымында, кармалган аял буга чейин Украинанын жаңжал болуп жаткан аймагы Донбасста болгонун айткан. Бул маалымат тергөөдө текшерилмей болууда.

- 8-сентябрь күнү Жогорку Соттун имаратына кирип бараткан учурда андан бир ок-дары алынган. Ал окту тирге барганда алганын айтып жатат. Донбасста болгонун айткан, бирок так документтер жок. Азыр териштирилип жатат.

Бул факт боюнча Кылмыш кодексинин 241-беренесинин негизинде (Ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү) боюнча иш козголду.

Учурда Биринчи Май райондук соту анын баш коргоо чарасын карап жатат. (КЕ)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG