Башкы прокурордун биринчи орун басары Кылычбек Токтогулов өз арызынын негизинде кызматынан бошотулду. Буга чейин баш прокурордун орун басары болуп иштеген Бөкөнбай Казаков биринчи орун басар кызматына көтөрүлдү. Анын ордуна Нурлан Дүйшембиев дайындалды. Тийиштүү буйруктарга 14-сентябрда президент Алмазбек Атамбаев кол койгонун мамлекет башчынын басма сөз кызматы билдирди.
