Узакка созулган кургак жана жылуу аба ырайынан кийин Кыргызстандын аймагында 24-сентябрда аба ырайы кескин өзгөрүлөт. Мезгил-мезгили күн күркүрөшү, тоолордо кар, кээ бир райондордо жаан-чачын каттуу жаашы күтүлүп жатат Айрым жерлерде батыштан соккон шамалдын ылдамдыгы секундасына 18-23 метрге жетмекчи.
Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда мал кармоону кыйындатат.
Абанын температурасы:
Чүй өрөөнүндө түнкүсүн 5…10, күндүз 14…19;
Суусамырда түнкүсүн -1…-6, күндүз 11…16;
Таласта түнкүсүн 2…7, күндүз 13…18;
Баткенде түнкүсүн 7…12, күндүз 18…23;
Ош жана Жалал-Абад облустарында түнкүсүн 7…13, күндүз 18…23;
Ысык-Көлдө түнкүсүн 4…9, күндүз 12…17;
Нарын облусунда түнкүсүн 1…6, күндүз 12…17;
Бийик тоолуу райондордо түнкүсүн -4…-9, күндүз 7…13 градуска чейин көтөрүлөт.
Эртең Бишкек шаарында мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетмекчи. Абанын температурасы түнү 8…10, күндүз 17…19 градус жылуу болот.