2-октябрда кечке маал жааган карга жана жолдун тайгактыгына байланыштуу Бишкек-Ош жолунун Чүй облусунун Жайыл районундагы Сосновка постунда оор жүк ташуучу автоунааларга убактылуу чектөө киргизилди.
Бул тууралуу Өзгөчө кырдаалдар министрлиги билдирип, жол боюнча кошумча маалымат берилет деп кабарлады.
Өткөн аптада Кыргызстандын тоолуу аймактарына кар жаап, күн сууп кетти. Жол тайгактыгына байланыштуу Сосновка постунда 30-сентябрда бардык машинелерге убактылуу чектөө киргизилип, кайра алынган. (NT)
