Линктер

ЧУКУЛ КАБАР!
17-Октябрь, 2021 жекшемби, Бишкек убактысы 16:29

Башкы прокуратура кызматкерлери жаңы конуштуу болушту


Башкы прокуратуранын кызматкерлерине жаңы конуштун ачкычын тапшыруу. Бишкек. 3-октябрь, 2017-жыл.

Бишкек шаарында Башкы прокуратуранын кызматкерлери үчүн курулган үйдүн ачкычын президент Алмазбек Атамбаев тапшырды.

Ал прокурорлорду жаңы конушу менен куттуктап жатып милиция, прокуратура жана башка күч кызматкерлерине мамлекет көңүл бурбаган кездерди эскерди. Прокуратура тармагында жүргүзүлгөн реформа тууралуу да айтып, аталган органдын курамы тазаланганын белгилеп өттү.

"Прокуратура мамлекет башчынын эмес, мамлекеттин көзү болушу керек. Силер аткаминерлерди мамлекеттин атынан көзөмөлдөп, мыйзамдардын сакталуусун өзүңөр үлгү болуп көрсөтүүңөр зарыл" деди президент.

Алмазбек Атамбаев "өлкөнүн өнүгүүсүн каалабаган күчтөрдүн аракетин ооздуктоо" үчүн прокуратуранын ишин жакшыртуу аракети уланарын да белгиледи:

- Аларга биздин өлкө керек эмес, аларга өлкөдөгү туруктуулук керек эмес. Аларга демократия да керек эмес. Аларга күңүрт, караңгылык керек. Бизге чыныгы демократия керек, демократия -бул мыйзам үстөмдүгү. Биз тандап алган жолубуздан кайтпайбыз.

Президент Баш прокурор Индира Жолдубаевага жаңы конушта балдар аянтчасын куруу үчүн 300 миң сомдук каражаттын сертификатын тапшырды.

Бул тууралуу президенттик аппараттын маалыматтык саясат бөлүмү кабарлады.

Өткөн жумада мамлекет башчы Алмазбек Атамбаев Токмок шаарында милиция кызматкерлерине жаңы батирлердин ачкычын тапшырган.(ZKo)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG