Линктер

ишемби, 16-декабрь, 2017 Бишкек убактысы 21:04

Алматыда кырсыктаган учактын кара кутусу Москвага жөнөтүлдү


иллюстративдүү сүрөт

Казакстандагы учак кулаган жерден табылган маалыматтар боюнча экспертиза Москвада жүргүзүлөт. Бул тууралуу 4-октябрда кырсыктын себептерин иликтөө комиссиясынын жетекчиси Роман Скляр билдирди.

Алматыдан Чимкент шаарына учкан Ан-28 учагы 3-октябрдын кечинде Алматыдан алыс эмес жерде кырсыктап, ичиндеги беш киши тең өлгөн. Алардын экөө кыргызстандык экени белгилүү болгон.

Комиссия жетекчисинин маалыматы боюнча, 1990-жылы чыккан учактын учууга жарактуулугу тууралуу сертификатынын мөөнөтү 2018-жылы жайында аяктамак. Скляр иликтөө аяктагандан кийин анын жыйынтыктары расмий жарыяланарын кошумчалады.

Мурдараак Алматы эл аралык аэропортунун коопсуз учуулар боюнча инспекциясынын башчысы Виктор Аушев учактын учуу маалыматтары өрттөн жабыркаганын билдирген.

XS
SM
MD
LG