Ош шаарында добушканага келүүгө мүмкүнчүлүгү жок 2264 адам 14-октябрда көчмө урна аркылуу добуш берди. Бул тууралуу Ош аймактык шайлоо комиссиясынан билдиришти. Аймакта шайлоо участогунан тышкары добуш берүү үчүн 2929 адамдан арыз түшкөн. Көчмө добуш берүү бүгүн да уланууда.
Шайлоо мыйзамдарына ылайык, үйдөн чыга албаган бейтаптар, майыптар, ооруканада жаткандар жана абактагылар көчмө добуш беришет. Ош шаарында 159 352 шайлоочу бар. Калаада 73 шайлоо участкасы иштеп жатат.(SE)
