Линктер

ЧУКУЛ КАБАР!
26-Октябрь, 2021 шейшемби, Бишкек убактысы 20:56

Чек ара кызматы: кыргыз-казак чек арасындагы абал жеңилдеди


Кыргыз-казак чек арасы

Кыргызстандын Чек ара кызматы бүгүн, 19-октябрда кыргыз-казак чек арасында абал бир аз жеңилдегенин “Азаттык” радиосуна билдирди. Мекеменин маалымат катчысы Салкынай Абдыкариеванын белгилешинче, көзөмөл-өткөрмө бекеттерде жарандарды текшерип өткөрүү процесси тездетилди.

- Бүгүн эртең менен “Ак жол” көзөмөл-өткөрүү жайында 100гө чукул жаран Казакстанга өтүү үчүн кезек күтүп турушкан. Ал эми “Ак тилек” менен “Чоң Капка” бекетинде жүк ташуучу унаалардын тыгыны бар. Бирок салыштырмалуу тезирек өткөрүлүп жатат. Бүгүн тушкү 12ге чейин абал дагы өзгөрөт деп ишенип жатабыз.

"Азаттыктын" "Ак жол" бекетинде жүргөн кабарчысы кезек күткөн адамдар жок экенин белгиледи.

18-октябрда казак-кыргыз өкмөт башчылары Сапар Исаков менен Бакытжан Сагинтаев Астанада жолугуп, чек арадагы кырдаалды талкуулады. Анда тараптар чек арадан өткөрүүнү артыкчылыктуу тартипте жүргүзүү боюнча макулдашкан. Ага ылайык, жөө адамдар, эл ташыган автоунаалар, жеңил автоунаалар анан бош жүк ташуучу автоунаалар киргизилет. Бул тууралуу өкмөттүн маалыматтык саясат бөлүмүнөн кабарлашты.

Кыргыз-казак өкмөт башчыларынын жолугушуусу 18-октябрда Кыргызстан тараптын демилгеси менен болду.

10-октябрдан тарта Казакстан Кыргызстандагы шайлоого байланыштуу чек арада текшерүүнү күчөткөн. Кыргыз-казак чек арасындагы “Кордай” көзөмөл-өткөрмө бекетинде блокпосттор орнотулуп, автоунааларды текшерүүгө куралчан аскерлер да тартылган.

Бул президент Алмазбек Атамбаевдин президенттик шайлоого байланыштуу казак президентине, бийлигине багытталган cөзүн расмий Астана саясий максатты көздөгөн “чагым” деп атагандан кийинки учурга туш келди.(КЕ)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG