Линктер

шаршемби, 22-ноябрь, 2017 Бишкек убактысы 13:32

Польшада жайгашкан “Ачык диалог” бейөкмөт уюму Украина бийлигин казакстандык блогер Жанар Ахметти бошотууга чакырды. Аталган уюмдун маалыматында Жанар Ахмет Киевдин башпаанек берүүдөн баш тартуу тууралуу чечиминин үстүнөн даттанары айтылат.

- Ахметтин ишинде саясий боёктун белгилери бар. Качкындардын макамы тууралуу конвенция менен Европа конвенциясы саясий жактан айыпталган кишилерди экстрадициялоого тыюу салат, - деп жазылган анда.

“Ачык диалог” Европарламент, БУУ жана демократиялык мамлекеттерди украин бийлигине басым жасоого чакырды.

Быйыл жазында Казакстандан качып чыгып, Украинадан саясий баш паанек сураган Жанар Ахмет 21-октябрда Киевдин четинде кармалган. Сот аны 18 күнгө камоо чечимин чыгарган. Ахмет ачкачылык жарыялаган.

Жанар Ахмет Казакстанда 2005-2008-жылдар аралыгында алдамчылык кылган деген айып менен соттолгон. 2010-жылы августта сот блогердин жаза мөөнөтүн уулу 14 жашка чыкканча 2021-жылга чейин жылдырган. Жыл башында Ахмет баласы менен өлкөдөн чыгып кеткенден кийин ага эл аралык издөө жарыяланган.

Сиздин пикир

пикирлерди көрсөт

XS
SM
MD
LG