Линктер

дүйшөмбү, 20-ноябрь, 2017 Бишкек убактысы 20:04

Кыргыз-казак чек арасындагы кырдаалды Дүйнөлүк соода уюмунун атайын комитети 10-ноябрда карайт. Анда кыргыз өкмөтү чек арадагы жагдай боюнча атайын баяндама менен чыгат. Бул тууралуу бүгүн экономика министри Артем Новиков Бишкекте өткөн басма сөз жыйында билдирип, кыргыз тарап чек арадагы абал татаалдашкандан кийин Евразия экономикалык биримдиги менен Дүйнөлүк соода уюмуна тең кайрылганын айтты.

Кыргызстан менен Казакстандын ортосундагы чек ара көйгөйү 10-октябрда башталып, казак бийлиги ары-бери өткөн жарандарды, автоунааларды текшерүүнү күчөткөн. Ошондон бери мамиле чыңалып турат.

Расмий Астана муну Кыргызстан аркылуу келген аткезчиликке каршы күрөш деп түшүндүргөн. 18-октябрда Кыргызстандын премьер-министри Сапар Исаков Астанага барып, казакстандык кесиптеши Бакытжан Сагинтаев менен жолуккан, тараптар жарандарды, жүргүнчү ташыган автобустарды, жеңил жана бош жүк ташуучу автоунааларды текшерүүдө жеңилдик берүүгө жетишкен. Бирок оор жүк ташуучу автоунаалар узун кезек күтүп, учурда алардын саны 600дөн ашты.

25-октябрда ЕАЭБдин өкмөттөр аралык кеңешинин Арменияда өткөн отурумунда Казакстан Кыргызстан менен көйгөйлөрдү чечүү боюнча Исаков менен жетишилген "жол картага" кол коюудан баш тарткан.

Сиздин пикир

пикирлерди көрсөт

XS
SM
MD
LG