Маданият, маалымат жана туризм министри Түгөлбөй Казаков кызматынан бошотулду. Тиешелүү жарлыкка президент Алмазбек Атамбаев кол койгонун өлкө башчысынын маалымат кызматынан кабарлашты.
Казаков 2016-жылдын сентябрь айынан бери министрликти жетектеп келген.
Акыркы кездери Кыргыз мамлекеттик Тарых музейиндеги сакталып турган байыркы кыздын мумиясынын жерге берилишине байланыштуу министрдин дарегине көптөгөн сындар айтылып келген.
Түгөлбай Казаков коомдук ишмер, композитор жана публицист катары белгилүү.(BkA)
