Испаниянын өкмөтү Каталонияны автономиядан ажыратып, жаңы жетекчиси кылып Сорайя Сеанс де Сантамарияны дайындады. Ал буга чейин испан өкмөтүндө вице-премьер катары эмгектенип келген.
Каталониянын парламенти 27-октябрда Испаниянын карамагынан чыгуу жана көз карандысыздык декларациясын кабыл алган.
Мындан соң Испаниянын борбордук бийлиги дароо парламентти жана Карлес Пучдемон башкарган өкмөттү таратып, аймакка түз башкаруу киргизилгенин жарыялаган.
1-октябрда өткөрүлгөн талаштуу референдумда добуш бергендердин басымдуу бөлүгү көз карандысыздыкты колдогон. Бирок Мадрид аны мыйзамсыз деп атаган.
Бир да өлкө автономиянын эгемендик мүдөөсүнө колдоо көргөзгөн эмес.