Сомали борбору Могадишо шаарындагы мейманканага 28-октябрь күнү жасалган чабуулдан кеминде 25 адам өлүп, ондогон киши жараат алды. DPA немис маалымат агенттиги расмий өкүлдөргө таянып билдиргендей, кыргын уюштурган беш кишинин бирөө өзүн жардырган. Окуяга исламчыл "Ал-Каида" уюму менен байланышы бар "Ал-Шабаб" тобу жоопкерчилик алды.
Чабуул коюлган "Насахаблад" отелинин кызматынан көбүнчө аткаминерлер пайдаланып келгени айтылууда. Шектүүлөрдүн айрымдары колго түшкөнү кабарланды.