Үч динди бириктирген ыйык сарай

Германиянын борбору Берлинде чоң имарат курулуп жатат. Анын ичинде мусулмандардын мечити, христиандардын чиркөөсү жана иудаисттердин синагогасы жайгашат. Имараттын негиздөөчүлөрү бул долбоор диндер ортосундагы диалог түзүүгө жол ачып, радикалдашуудан жана диний жек көрүүдөн арылууга жардам берет деп ишендиришүүдө. House of One же "Ынтымак үйү" деп аталган долбоордун негиздөөчүсү Сулейман Бах өз идеясын Кыргызстанга да жайылтууну көздөйт.