Линктер

шейшемби, 23-октябрь, 2018 Бишкек убактысы 13:10

Стамбулда опера имараты курулат


Стамбулдагы Таксим аянты

Түрк президенти Стамбулда опера имаратын куруу боюнча талаштуу долбоорду ишке киргизди. Режеп Тайып Эрдоган жаңы имарат шаардын символуна айланарын, Таксим аянтына жаңылык алып келерин 6-ноябрда айтты.

2013-жылы дал ушул Таксим аянтында ал учурдагы премьер-министр Эрдогандын бийлигине каршы массалык демонстрациялар өткөн. 2019-жылы ачыла турган 2500 орундуу опера имараты Ататүрк маданий борборунун жанында курулат.

Бул борбор 1969-жылы ачылып, көп өтпөй өрттөн улам жабылып калган. 1978-жылы кайра ишке киргизилип, 2008-жылы реставрация үчүн жабылган боюнча оңдоп-түзө иштери жасалбай келген.

Сынчыл көз караштагылар жаңы опера имараты Түрк республикасынын негиздөөчүсү Мустафа Кемал Ататүрктүн атын алып жүргөн борборду көз жаздымда калтырат дешет.

XS
SM
MD
LG